დაიბადა 1977 წლის 26 ოქტომბერს, სოხუმში. 1998 წელს დაამთავრა ივანე ჯავახიშვილის სახელმწიფო უნივერსიტეტი, ჟურნალისტიკის ფაკულტეტი. მუშაობს მედიასა და არასამთავრობო სექტორში. 2012 წლიდან არის რადიო თავისუფლების კორესპონდენტი. მისი პირველი კრებული (პროზა-პოეზია) 2007 წელს დაიბეჭდა. ამ დრომდე მას გამოცემული აქვს ათამდე წიგნი. წერს როგორც საუფროსო ასევე საბავშვო ლიტერატურას. თეა თოფურიას პროზა და პოეზია ნათარგმნია 15-მდე ენაზე. ბევრჯერ იყო სხვადასხვა ლიტერატურული კონკურსების ნომინანტი და ლაურეატი. რამდენჯერმე წარადგინეს ასტრიდ ლინდგრენის სახელობის საერთაშორისო პრიზზე.
