სიუ მონკ კიდი ჯორჯიის შტატში, პატარა ქალაქში გაიზარდა. 1970 წელს დაამთავრა ტეხასის ქრისტიანული უნივერსიტეტი და შემდგომ სწავლობდა შემოქმედებით წერას ემორის უნივერსიტეტში. მისი პირველი რომანი „ფუტკრების იდუმალი ცხოვრება“ 2002 წელს გამოიცა და 2,5 წლის მანძილზე არ ტოვებდა New York Times-ის ბესტსელერთა სიას. წიგნი ნათარგმნია 36-მდე ენაზე და მსოფლიოს მასშტაბით გაყიდულია 8 მილიონზე მეტი ეგზემპლარი.
