ავსტრალიელი მწერალი. დაიბადა 1943 წელს. სკოლის დამთავრების შემდეგ უნივერსიტეტში ქიმიასა და ზოოლოგიას სწავლობდა, თუმცა სწავლა არ დაუმთავრებია. მუშაობდა სხვადასხვა სარეკლამო სააგენტოში. მოთხრობების პირველი კრებული 1974 წელს გამოსცა. მას შემდეგ ათზე მეტი რომანი დაწერა. პიტერ კერი არაერთი პრესტიჟული ლიტერატურული ჯილდოს მფლობელია, მათ შორის ბუკერის პრემიის, რომელიც მწერალს ორჯერ მიენიჭა.
2013 წელს „დიოგენეს ბიბლიოთეკის“ სერიით პიტერ კერის რომანი „ძარცვა“ გამოიცა (მთარგმნელი ქეთი ქანთარია). 2021 წლის ბოლოს კი გამოვიდა მისი სქელტანიანი რომანი „კელის საძმოს უტყუარი ამბავი“. სწორედ ამ რომანისთვის მიიღო ავტორმა მეორე ბუკერი.
