ჯუნიჩირო ტანიძაკი (1886-1965), იასუნარი კავაბატასა და იუკიო მიშიმისთან ერთად, XX საუკუნის უდიდეს იაპონელ მწერლად მიიჩნევა. ოჯახის წინააღმდეგობის მიუხედავად, ის ჩაირიცხა ტოკიოს საიმპერატორო უნივერსიტეტში ლიტერატურის ფაკულტეტზე, მაგრამ ფინანსური პრობლემების გამო სწავლას თავი დაანება. წერა 1909 წელს დაიწყო და სახელიც მალევე გაითქვა მოთხრობით „ტატუს ოსტატი“.
20-იანი წლების დასაწყისში დაინტერესდა კინემატოგრაფიით და სცენარების წერა დაიწყო. აქტიურად მონაწილეობდა მუნჯი კინოს განვითარებაში. იგი არაერთხელ იყო წარდგენილი ნობელის პრემიაზე.
