წიგნების კატეგორიები

სიახლეები

წიგნის მაღაზია "დიოგენე"

Facebook

 

 
 
 
  • ქვის ანგელოზი უცხოური პროზა
    რომანი „ქვის ანგელოზი“ კანადური ლიტერატურის კლასიკოსის, მარგარეტ ლორენსის (1926-1987) ე. წ. „მენავაკის ციკლის“ პირველი და ყველაზე ცნობილი წიგნია. მენავაკა კანადის პრერიებში მდებარე გამოგონილი პატარა ქალაქია. მას ხშირად ადარებენ ფოლკნერის იოკნაპატოფას, თავად ლორენსს კი „კანადელ ფოლკნერს“ უწოდებენ. „მენავაკის ციკლის“ წიგნები XX საუკუნის კანადური ლიტერატურის ერთგვარი ნიშანსვეტია. „ქვის ანგელოზის“ მთხრობელი, ხანში შესული ჰეიგარი, თავისი რთული, დრამატული ცხოვრების ამბავს ჰყვება. მის მონათხრობში გარდასული ცხოვრების სურათებს აწმყო ენაცვლება ხოლმე, აწმყოში კი ჰეიგარს ერთადერთი რამ სურს - არ მოხვდეს მოხუცთა თავშესაფარში... სერია ET CETERA
    ვრცლად
  • ქვეყნად მოვლენის უსიამოვნებაზე არამხატვრული
    რუმინული წარმოშობის ფრანგი მწერლისა და ფილოსოფოსის, XX საუკუნის ერთ-ერთი ყველაზე უცნაური მოაზროვნის, ემილ ჩორანის (1911-1995) წიგნში „ქვეყნად მოვლენის უსიამოვნებაზე“ მცირე ზომის ჩანაწერებია გაერთიანებული. ზოგადად, აფორიზმი ჩორანის საყვარელი ფორმაა, „ქვეყნად მოვლენის უსიამოვნებაზე“ კი - მისი აფორიზმებისა და ჩანაწერების გამორჩეული კრებული. იგი თავად ავტორსაც განსაკუთრებულად უყვარდა. ერთ ინტერვიუში აღნიშნა კიდეც: „ამ წიგნში, რომელიც შეგიძლიათ ნებისმიერ გვერდზე გადაშალოთ, წიგნში, რომლის ბოლომდე წაკითხვაც აუცილებელი არაა, ყველა სიტყვას ვეთანხმები“. ერთი შეხედვით ერთმანეთთან დაუკავშირებელ ჩანაწერებში ყველაზე კარგად ჩანს მწერლის დამოკიდებულება იმ საკითხებისადმი, რომლებიც მუდმივად აძლევდნენ სააზროვნო იმპულსებს და ყოფნა-არყოფნის დარ ძველისძველ დილემებთან აბრუნებდნენ. სერია ET CETERA
    ვრცლად
  • პენმარათონი 2018 ქართული პროზა
    ეს კრებული 2018 წლის ივნისში საერთაშორისო, ქართულ-გერმანული ლიტერატურული კონკურსის „პენმარათონის“ ფარგლებში დაწერილი 10 საუკეთესო მოთხრობისგან შედგება. პენმარათონი ორიგინალური ფორმატის ლიტერატურული კონკურსია, რომელიც საქართველოში უკვე შვიდჯერ ჩაატარა გამომცემლობა „დიოგენემ“ (პირველი - 2002 წელს). კონკურსი 2 ეტაპად იმართება: მონაწილეების შერჩევა და წერითი სესია - პენმარათონი. წერითი სესიის დროს, 24 საათის განმავლობაში, მონაწილეებმა ჟიურის მიერ განსაზღვრული ამოცანის შესაბამისად უნდა შექმნან მხატვრული პროზის ორიგინალური ნიმუში. წელს პენმარათონი საქართველოს ერთ-ერთ რეგიონში - კახეთში, სასტუმრო კომპლექს „მაროშენში“ ჩატარდა. წერით სესიაში 13 ქართველი და 9 გერმანელი ავტორი მონაწილეობდა. საკონკურსო დავალება იყო ფრაზა უილიამ შექსპირის „ჰამლეტიდან“, რომელიც მონაწილეებს ნაწარმოების ეპიგრაფად უნდა გამოეყენებინათ: „სიცრუის ჩანგლით შენ დაიჭერ სიმართლის თევზსა…“
    ვრცლად
  • კაფკას ლეოპარდები უცხოური პროზა
    ბრაზილიელი მწერლის, მოასირ სკლიარის (1937-2011) რომანი „კაფკას ლეოპარდები“ ახალგაზრდა ებრაელის, ბენიამინ კანტაროვიჩის, მეტსახელად „თაგუნას“, თავშესაქცევ ამბავს მოგვითხრობს. ლევ ტროცკისთან შეხვედრაზე მეოცნებეს ბედისწერა დიდ თავსატეხს უმზადებს: მის ხელში თავად ფრანც კაფკას ხელნაწერი აღმოჩნდება, რომელსაც გასაღები უნდა მოარგოს. 1916 წლის ზამთარია. გათოშილი, თავგზააბნეული ბენიამინ კანტაროვიჩი პრაღის ქუჩებში დაეხეტება და მინიშნებებს ეძებს… წიგნში მოულოდნელობა მოულოდნელობას ენაცვლება, მთავარ გმირს კი ისღა დარჩენია, ჰრადშინის ციხესიმაგრის უკან, ალქიმიკოსების ქუჩაზე, ფრანც კაფკას პატარა ოთახს მიადგეს და კარზე დააკაკუნოს. სერია ET CETERA
    ვრცლად
  • ერთადერთი ამბავი უცხოური პროზა
    „მაშინ უკვე იცოდი, რომ არსებობდა როგორც კარგი, ასევე ცუდი სექსიც. ბუნებრივია, ცუდს კარგი გერჩია, მაგრამ რაკი ჯერაც ახალგაზრდა იყავი, იმასაც ფიქრობდი, რომ ყველა მოცემულობის გათვალისწინებით, მთლად უსექსობას ცუდი სექსი სჯობდა. ეგ კი არა, ზოგჯერ ეს ხელმრუშობაზე უკეთესიც კი შეიძლებოდა ყოფილიყო, თუმცა არა - ყოველთვის. მაგრამ თუ ვინმე ფიქრობს, რომ სქესობრივი ურთიერთობა მხოლოდ ამ ორ უკიდურესობას გულისხმობს, ძალიან ცდება, რადგან თურმე არსებობდა მისი სხვა ნაირსახეობაც, რომლის შესახებაც მაშინ არაფერი იცოდი - რაღაც ისეთი, რასაც, უბრალოდ, ცუდი სექსის ქვესახეობად ვერ ჩათვლიდი, გინდაც მის თაობაზე ყურმოკვრით გსმენოდა. ამას მოსაწყენი სექსი ჰქვია და უფრო მოსაწყენს, ღმერთმანი, ვერც ვერაფერს წარმოიდგენს კაცი...“ უნივერსიტეტიდან არდადეგებზე შინ დაბრუნებული 19 წლის პოლი საჩოგბურთო კლუბში წევრიანდება, სადაც სიუზენს გაიცნობს. სიუზენი 48 წლისაა, დაოჯახებულია და ორი ქალიშვილი ჰყავს. მცირე ხანში პოლისა და სიუზენის ურთიერთობა უბრალო ნაცნობობას სცდება - მათ ერთმანეთი უყვარდებათ. ეს წიგნი სწორედ ამ სიყვარულის სულისშემძვრელი ისტორიაა, რომელსაც უკვე ხანში შესული პოლი ჰყვება. სერია ET CETERA
    ვრცლად
  •  
  • ვარდის სახელი უცხოური პროზა
    „ვარდის სახელი“ ცნობილი იტალიელი მწერლის, სემიოლოგისა და შუა საუკუნეების მკვლევრის - უმბერტო ეკოს პირველი რომანია. წიგნი 1980 წელს გამოქვეყნდა და პოსტმოდერნისტული ლიტერატურის კლასიკად ითვლება.
    ვრცლად
  • კლდის პირზე, ჭვავის ყანაში უცხოური პროზა
    უცხოენოვან წიგნებს შორის ცოტაა ისეთი, ქართულად რამდენჯერმე რომ ეთარგმნოთ. სელინჯერის „კლდის პირზე, ჭვავის ყანაში...“ ასეთი ბედნიერი გამონაკლისია. 1951 წელს გამოქვეყნებული
    ვრცლად
  • პრაღის სასაფლაო უცხოური პროზა
    ოკულტისტები, სატანისტები, მასონები, იეზუიტები, რევოლუციონერები, საფრანგეთის, იტალიის, პრუსიისა და რუსეთის საიდუმლო სამსახურები, ანტისემიტიზმის აფეთქებისა და ფაშისტური ისტერიის ზღვარზე მყოფი ევროპა, კონსპირაციული თეორიები, მსოფლიო შეთქმულების შიში...
    ვრცლად
  • სუნამო უცხოური პროზა
    „სუნამო“ თანამედროვე გერმანულენოვან ლიტერატურაში ერთ-ერთი ყველაზე ცნობილი რომანია. მოქმედება მეთვრამეტე საუკუნის საფრანგეთში ვითარდება. ჟან-ბატისტ გრენუი - წიგნის მთავარი გმირი უცნაური, ყველასგან გამორჩეული ადამიანია. იგი გამძაფრებული ყნოსვითაა დაჯილდოებული. მას შეუძლია ისეთი სურნელიც კი შეიგრძნოს, რომელიც ჩვეულებრივი ადამიანისთვის შეუმჩნეველია და, შესაბამისად, არც სახელი აქვს. ნებისმიერი არომატი მისთვის თანაბრად საინტერესოა და გრენუიც გულმოდგინედ შეისწავლის მათ. ეს არის სრულყოფილი სუნამოს შექმნისა და ძალაუფლების ვნებით შეპყრობილი გენიალური პარფიუმერის ამბავი, რომელიც, საბოლოოდ, სწორედ ამ სრულყოფილების მსხვერპლი ხდება.
    ვრცლად
  • უმანკოების მუზეუმი უცხოური პროზა
    ორჰან ფამუქი პირველი თურქი რომანისტია, რომელსაც ნობელის პრემია მიენიჭა. მწერალი 1952 წელს დაიბადა სტამბოლში. "რობერტ კოლეჯის" დამთავრების შემდეგ არქიტექტურას სწავლობდა, თუმცა საბოლოოდ სწავლას თავი ანება და გადაწყვიტა, მწერალი გამხდარიყო. უმანკოების მუზეუმი ორჰან ფამუქის ბოლო რომანია, რომელიც 2008 წელს გამოვიდა. 30 წლის ქემალისა და 18 წლის ფუსუნის სიყვარულის ისტორია ძირითადად 1970-80-იან წლებში ვითარდება. როგორც მწერლის თითქმის ყველა წიგნში, აქაც ერთ-ერთი მთავარი გმირი სტამბოლია - ევროპული ყაიდის პროსპექტებით და აზიური ქალაქის ჩიხებით, დიდებული მეჩეთებითა და ღარიბთა უბადრუკი უბნებით. უმანკოების მუზეუმის წერისას ფამუქი რეალურ მუზეუმსაც ქმნიდა - ადგილს, სადაც რომანში აღწერილ სიყვარულის ისტორიასა და, ზოგადად, ეპოქასთან დაკავშირებულ ნივთებს გამოფენდა. მუზეუმი 2010 წელს გაიხსნა წიგნში აღწერილ სტამბოლის ერთ-ერთ უბან ჩუქურჯუმაში.
    ვრცლად
  • ყოფის აუტანელი სიმსუბუქე უცხოური პროზა
    „ყოფის აუტანელი სიმსუბუქე“ - მილან კუნდერას ყველაზე ცნობილი რომანი - 1982 წელს დაიწერა, თუმცა მისი გამოქვეყნება ავტორმა მხოლოდ ორი წლის შემდეგ მოახერხა. ჩეხურ ენაზე დაწერილი წიგნი პირველად ფრანგულად გამოიცა. რომანის გმირები 1960-70-იანი წლების პრაღაში ცხოვრობენ, თუმცა ის რთული ურთიერთობები და ფილოსოფიური საკითხები, რომლებსაც კუნდერა ეხება, ნებისმიერ ეპოქასა თუ ადგილს გულისხმობს.
    ვრცლად
  •